Garment Pattern Making: Nested Pattern and X and Y Grading Applications

Nested Pattern:

Ito po ay ang pattern na pwede ng gamitin sa productions for marking, size sets sample o production counter sample. Ibig sabihin ang lahat na mga sizes ay graded na o pinaliit at pinalaki.

X and Y Grading Applications

Ito po ay aking ipapakita ang pag apply ng grading X and Y sa bawat punto na kailangan ang pagbabago ng padron. Nested dahil kung iyong makikita ay isang padron lamang ito subalit itoy magkakapatong. Kung iyong gagamitin ito sa marker making ito ay mag kakahiwalay na iyong oorderin sa paggawa ng marker. Kung manual ang marker na gagawin ito ay kailangang i trace ang mga sizes mula sa nested pattern. Kung sa computerized marker gagawa ka ng Marker model na iyong ihahanda ang mga datos na kakailanganin.

Halimbawa:

Marker width 60" 58" ang gagamiting width hindi kailangang sakto sa 60"
Target Marker Length 5 yards
Sizes; Small, Medium, Large
Model name; Men's Shirt 2020
Piece name: Men's Shirt Back
Piece Category: Back
Piece name: Men's Shirt Front
Piece Category: Front
Piece Description: Cut 1
Piece Description: Cut 2
Fabric: Main
                flip
Order: 1  0
Order: 1  1

Kailangan lahat na parte ng damit kailangang isama sa maga sizes na inorder. Kung ang fabric ay may combination, kailangan ibukod ang marker nito.

Ganoon din ang fusible na gagamitin hiwalay din ang marker.

Ito pong specs ang ating pagbabasihan ng grading sa pattern:

Garment pattern making, grading, cutting, sewing

Marahil sa panahong ito ang paggawa na damit ay wala ng saysay sa siyudad dahil sa maunlad na teknolohiya. Sa ngayon ang paggawa ng damit ay computerized na di tulad noong araw na itoy manual lamang. Dahil po sa akoy may karanasan sa paggawa ng damit at padron, pagtahi, pag tabas, naisipan kung ibahagi ang aking konting nalalaman sa abot ng aking makakaya.

Dahil po sa ang gawaing ito ay matagal ko ng iniwan dahil sa akoy reterado na, sisikapin ko pong ibahagi ang kaunti kung nalalaman sa larangang ito.

Ang inaasahan kung tatangkilik ng sariling araling ito as sa probinsya na hindi pa gaanong abot ang advance na teknolohiya, tulad ng isang nayon sa probinsya. Kung ikaw ay may hilig sa paggawa ng damit panlalaki o pambabae marahil itoy para saiyo, ikaw man ay nakatira sa isang siyudad o sa isang nayon sa probinsiya.

Nauunawaan ko po ang pinagkaiba ng tailoring o dressmaking kaysa sa paggawa ng damit na maramihan katulad ng isang pabrika.

 by shankar s.

Tailoring o Dressmaking (Shop o Boutique) - Dito individual ang iyong paruyano, ang sukat ay ikaw ang kukuha sa iyong kustomer kasama na kung anong desinyo o style. May isang master cutter na tagagawa ng padron, magtatabas sa tela at magtatahi. Minsan ang mananahi siya na ang magtatapos hanggang mabuo ang damit pati na finishing.

by Provincial Archives of Alberta

Garment Production (Factory Process)- Dito mahirap ang gawain dahil lahat ng aspeto dapat naayon sa sukat at desinyo, Maramihan ang order dito kaya dapat nasa tamang tolerance kung may mali man.
Ang lokal factory ay maysariling taga desinyo ng damit, samantalang kung outsource ng kompanya ang order, ito ay may kasamang specs, tela,at accessoriya, original sample. Bago maaprove ang order kailangang magaya ng kumpaniya ang padalang sample at masunod ang boung quality ng paggawa. Kapag itoy natapos na kailangang ipadala sa mayari para sa kanilang commento o pagsangayon bago gumawa ng maramihan piraso.

Dahil sa factory maramihan ang order, nararapat lamang na marami silang mangagawa at departamento. Ito ay ang mga sumosunod:

Departamento ng Desinyo - tagagawa ng desinyo o idea ng damit at pagbibigay ng kailangang sukat o sizes.
Departamento ng quality - sila ang nag aaproved kung nasunod ang mga kinakailangan sa isang damit, Dito dalawa ang taga control ng quality, isa ang representante ng kompaniya at ang isa ay ang representante ng nagpapagawa. Kailangang maaprobahan ng pinal ang damit bago magumpisa ng maramihang sizes ayon sa ibinigay na specs ng mayari o kustomer.

Departamento ng Pattern making, marking, at cutting - Sila ang gagawa ng unang pattern para gawan ng sample para paaprobahan. Minsan maykasama ng pattern kaya final measurement na lang at pagdagdag ng shrinkage allowance sa pattern. Kung maaprove ang unang sample pweding humingi pa ang mayari ng sizes sample bago mag gawa ng maramihan damit na ibat ibang sizes.

Sa aking kumento: Para sa akin, parehong mabigat na pasanin anuman ang iyong tunay na kaalaman sa paggawa ng damit. Maging itoy sa Shop o sa pabrica. Subalit sa aking naging karanasan mas pipiliin ko ang maglingkod sa pabrika kaysa sa shop o botique. Sa shop limitado ang iyong kaalaman at mga benipesyo. Samantalang sa pabrika marami kang malalaman tungkol sa paggawa ng damit sa ibat ibang antas o departamento. May magandang benipisyo at sigurado ang iyong sahod.

Kung ikaw ang papipiliin saan ka kaya gustong lumugar sa gawaing ito?

Mag Subscribe na para malaman mo ang mga susunod kong idea direkta sa iyong inbox.

Related Topic

READ: Garment Pattern Making: Mga Gamit na Kakailanganin